Xəyyam Musa oğlu Abdullayev (Xəyyam Abdulla) Tərtərdə anadan olub. Azərbaycan Dövlət Mədəniyyət və İncəsənət Universitetinin rejissorluq fakültəsində (2000-2004), Rüstəm İbrahimbəyovun “Beynəlxalq Kino Məktəbi”ndə təhsil alıb. ANS televiziyasında rejissor və layihə rəhbəri vəzifələrində çalışıb (2003-2009). Bu müddət ərzində “Meydan”, “Naməlum məşhurlar”, “Dahilərin divanı” və bir çox digər intellektual layihələrin müəllifi olub. Bir müddət Space TV-də çalışıb (2009). 2005-ci ildə “EXA Prodakşn” MMC-ni təsis edənlərdən biri olub, hazırda “EXA Prodakşn” MMC-nin direktorudur. “Şüur üstü” adlı fəlsəfi şeirlər kitabının müəllifidir (2010). “Gənclər günü” münasibətilə Gənclər və İdman Nazirliyi tərəfindən kino sahəsində fərqləndiyinə görə diplomla təltif edilib (2008). Bir çox beynəlxalq kinofestivalların iştirakçısı və qalibi olub.