Gülşən Zəki qızı Səlimova 1954-cü il yanvarın 30-da Bakı şəhərində anadan olub. 1972-ci ildə 160 nömrəli orta məktəbi bitirib. Həmin ilin avqust ayında C.Cabbarlı adında “Azərbaycanfilm” kinostudiyasına montajçı vəzifəsinə işə qəbul olunub. 1977-1982-ci illərdə Azərbaycan Dövlət Mədəniyyət və İncəsənət İnstitutunun mədəni-maarif fakültəsində təhsil alıb. 1980-cı ildən montaj ustası kimi əmək fəaliyyətini davam etdirib.

Gülşən Səlimova 1992-2013-cü illərdə Azərbaycan Dovlət Mədəniyyət və İncəsənət Universitetində “Rejissor və operator sənəti” kafedrasında pedaqoji fəaliyyətlə məşğul olub və uzun illər Azərbaycan Dövlət Film Fondunda fəaliyyətini davam etdirib.

2006-cı ildə Azərbaycan Respublikasının Əməkdar mədəniyyət işçisi fəxri adına layiq görülüb.