Güşvər Fətulla qızı Şərifova indiki Ermənistanın Kacaran şəhərində anadan olub. Uşaqlığı Zəngilanın Seyidlər kəndində keçib. M.A.Əliyev adına Azərbaycan Dövlət İncəsənət İnstitutunda təhsil alıb (1984). C.Cabbarlı adına Gəncə Dövlət Dram Teatrında (1984-1995), Bakı Kamera Teatrında (1995-2003) aktrisa işləyib. Həmçinin C.Cabbarlı adına «Azərbaycanfilm» kinostudiyasının filialında redaktor olub. 2003-cü ildən Azərbaycan Dövlət Gənc Tamaşaçılar Teatrının aktrisasıdır. Böyük Britaniya istehsalı olan “Əli və Nino” (2015, rejissor Asif Kapadia) filmində Malik Naxararyanın anası rolunda çəkilib.